Uitzicht

Die Naudé-familie is al sedert 1819 op Oudewagendrift naby Worcester maar hulle het eers in 1990 hul eerste steenvrugboorde geplant. Die steenvrugboerdery heet Uitzicht Vrugteboerdery en beslaan tans 80 hektaar waarvan ongeveer 70% nektariens en perskes, en die res pruime is.

“Ons konsentreer meestal op die vroeë-nektarienmandjie omdat ons geografies van die vroeër areas is,” sê Wilhelm Naudé, direkteur van Uitzicht Vrugteboerdery. “Met pruime fokus ons op die goeie variëteite wat aard in die area en waarvoor ons goeie oorsese programme kan hê.”