Plantsiektekliniek

“Ons verwelkom enige pasiënt,” sê plantpatoloog Sonja Coertze. “Dit moet net ’n plant wees!” Coertze is die bestuurder van die Plantsiektekliniek-Stellenbosch wat op die Welgevallen-proefplaas geleë is.

Die Plantsiektekliniek was die geesteskind van prof. Gustav Holz, voormalige departementshoof van Plantpatologie by Universiteit Stellenbosch (US). Hy het besef dat produsente ’n behoefte het aan ’n diagnostiese diens vir hulle gewasse en het dus die Plantsiektekliniek in 2000 by die Departement Plantpatologie begin.