August Red-blok

“Ek dink nie ek het steenvrugte noodwendig gekies nie,” sê Janco Jacobs. “Steenvrugte het my gekies toe ons die plaas gekoop het.” Jacobs het Excelsior in 2001 twee weke voor sy huwelik met Evelyn aangeskaf.

Evelyn en Janco het as nagraadse studente in die Departement Hortologie aan Universiteit Stellenbosch ontmoet. Sy het aanvanklik by Colors Fruit en hy by Two-a-Day gewerk, maar hulle was beide by kern- eerder as steenvrugte betrokke.